Egunkaria 2008-05-15

Gaur Teknologia berrien klase teorikoan, ebaluaketa moduari buruz hitz egiten egon gara. Teoriara beti goazen ikasleak ez baikaude ados irakasleak ebaluatzeko aukeratu duen metodoarekin eta. Uste dugu, klasera goazen ikasleak beste ikasleek duten aukera berdinak ditugula eta hori ez da bidezkoa.

Honen ostean eta ebaluaketa metodoari buelta asko eman ondoren, praktika ordua eduki dugu. Ordu honetan eta irakasgai/irakasleari buruzko ebaluazio fitxa egin ondoren, nire taldekideak eta ni, klasetik kanpo joan gara irakasgai honetarako egin behar dugun PowerPointa egiten.

Ordenagailuak ikasgeletan

Manuel Area Moreirak idatzitako artikulu honetan, IKTak ikasgeletan duten garrantziaz azaltzen digu eta hauek baliabide pedagogiko moduan ekarri duten aldaketez.

Orain arte alfabetizazioaz hitz egiterakoan, irakurtzeaz eta idazteaz hitz egiten genuen. Gaur egun aldiz, IKTen eraginez, alfabetizazioaren esanhaia zabaldu beharra dagoela azaltzen digu artikulu honek. Hau da, alfabetizazio anizkoitza, alfabetizazio berriak edo multialfabetizazioaz hitz egin genezake.

Gaur egun gauden teknologia berrien mundu honetan, ikastetxe guztiek edo gehienek ordenagailuak dituzte ikasteko beste edozein baliabide moduan eta ondorioz, ikasleek erabiltzen eta hauekin komunikatzen ikasi beharra dute, beraz, alfabetizazio berri bat garatu da. Honela, alfabetizazio musikalaz, ikus -entzutekoaz, digitalaz ... hitz egin daiteke.

Guzti honekin ados nagoela esan beharra daukat, ikasleei mundu honetan integartzen lagundu behar diegu, bestela, ez gaude behar bezalako hezkuntza irakasten. Baina guzti honetarako, lehenego eta behin egin beharrekoa irakasleak hezitzea da, gaitasun edo konpetentzi hauetan trebatu behar dira eta nire ustez, oraindik ez da horrela gertatzen. Hori bai, kontuan eduki behar da IKTen integrazioa prozesu luzea izan behar dela eta lasai lasi egin beharrekoa.

Teknologia eta Metodologia

Bideo honetan ikuis daitekeen moduan, gaur egungo ikastetxeetan teknologia berriak sartzen dabilz. Oso ideia ona eta baliogarria izan daiteke teknologian oinarrritutako hezkuntza baina aurrera ondo eramateko, kontuan eduki behar da irakasleak prestatuak egon behar direla, bestela eta bideo honetan gertatzen den moduan, metodologia berdina erabiltzen jarraitzen da eta teknologiak ez dute ezertarako balio.

Ni praktiketan egin nituen ikastetxea, Bermeoko Frantzisko Deuna ikastetxe publikoan, teknologia berriak nahiko integratuta daude eta irakasteko erabiltzen dituzten irakasleak nahiko maneitzen dituzte, ondorioz, ikasketaaskoz esanguratzuagoa da.

Egunkaria 2008-05-8

Gaur, 2008-05-8, ez dugu teoria klaserik eduki eta normalean teoria daukagun orduan, praktika eduki dugu.

Ordu honetan PowerPoint erabiltzen ikasi dugu, irakasgai honetan egin beharreko lan praktikoa, material didaktikoa, egin ahal izateko.

Hasteko, 4 diapositiva egin eta hauei nahi izan dugu barrena (kolorezkoa, irudiekin...) jarri behar izan diogu. Ostean, estekak, soinua, animazioa, trantzisioak ... jartzen ikasi dugu. Honela ordu osoa pasatu dugu.

Ondoren irakasleak joan beharra zuenez, gu bakarrik gelditu gara eta lan praktikoa egiten hasi gara. Gure lana matematikan,bereziki laukietan oinarritua izatea pentsatu dugu.

IKTek ikasgeletan duten eragina

La Laguna unibertsiteko teknologien hezkuntzako irakaslea den Manuel Area Moreirak idatzitako artikuluan, IKTek ikasgeletan duten eraginaz hitz egiten digu.

Manuel Areak dioen moduan, gaur egun ikastetxe guztietan teknologia berriekin erlazionatutako hainbat gauza aurkitu daitezke: ordenagailuak, wifi, arbel digitalak ... Baina honek ez du esan nahi teknologia berriek duten presentziak, hezkuntza sisteman eragin handia dutenik, hau da, IKTak ez dira irakasteko oinarri bezala hartzen laguntza bat bezala baino.

Irakasleak ez dute ordenagailua edo interneta irakasteko baliabide moduan erabiltzen, materiala bilatzeko tresna bat bezala bakarrik erabiltzen dute. Hau da, multimedia bidezko aurkezpenak egiteko, informazioa bilatzeko, beste batzuekin komunikatzeko, eta horrelako ekintzak egiteko baino ez dute erabiltzen.

Nire ustez oraindik, IKTen mundu honetan sartzen gabilz eta oso normala iruditzen zait irakasteko beste baliabide bat moduan erabili beharrean, materiala bilatzeko tresna moduan erabiltzea. Gaur egun irakaskuntzan dauden irakasle askok, ez daukate baliabide hau erabiltzeko prestakuntzarik eta ondorioz, ezinezkoa da teknologian oinarritutako hezkuntza sistema hau oraindik aurrera eramatea. Baina nire iritziz, urte batzuk barru oso indar handia edukiko dute IKTek hezkuntzan, Ariñoko eskolari buruzko dokumentalean ikusi daitekeen moduan.

Ariño, el pueblo interactivo

TVEk, 2008-02-02an eman zuen erreportai honetan ikusten den moduan, klaseak interaktiboki eman daitezke, hau da, gaur egun herri gehienetan erabiltzen diren liburu eta boligarfoen ordez, ordenagailua, ukimen- pantaila eta boligrafo digitala erabili daitezke.

Ariñon, Teruelek herri txiki-txiki honetan, irakasleak interaktiboki ematen ditu klaseak, hau da, ikasle bakoitzak bere ordenagailua du eta irakasleak landu nahi duen gaiari buruzko informazioa interneten jartzen du ikasleek bertatik lan egin dezaten. Irakasleak proiektore baten bitartez, informazioa orman jartzen du eta arbel moduan erabiliz eta honela ikasleei gaia azaltzen die. Ondoren, ikasle bakoitzak ariketak bere ordenagailuan egiten ditzake, gaia behar beste aldiz entzun edo ikusiz. Hau dela eta ez dute kuadernorik, ez boligraforik, ezta libururik erabiltzen.

Niri teknologia berriak asko gustatzen zaizkit eta ondorioz, martxan jarri duten hezkuntza modu hau oso ideai ona iruditu zait, honela hain txikia den herria ez da atzean geldituko eta ikasketa autonomoa bultzaten da.

Bideoan esaten den moduan, irakaslearentzat lan handia da berak prestatu behar baititu bere unitate didaktiko guztiak eta egunero zuzendu behar ditu ikasleak egiten dituzten ariketak. Hoinez gain, gaur egun oraindik ez dago horrela lan egiten duten ikastetxe asko eta ondorioz ez dago materialik.

Dena den irakaste metodo hau asko gustatu zait, nik ahal izango banu erabiliko nukeela uste dut, nire iritziz ikasleentzako motibagarria izan baitaiteke. Baina kontuan eduki behar da, hau aurrera ondo eraman al izateko irakasleak ondo prestatuak egon behar direla eta nire ustetan, gaur egun ez gaituzte irakaste metodo honetarako prestatzen.

Egunkaria 2008-04-24

Gaur teoria orduan, aurreko eguneko gairarekin, IKTen eragina hezkuntzan, jarraitu dugu. Hasteko, education yesterday and tomorrow youtubeko bideoa ikusi dugu. Hemen, teknologia berriek hezkuntzan duten eragina azaltzen da.

Bideoa denen artean komentatu ostean, teoriarekin jarraitu dugu, gaia amaitzeko asmoz.

Teoria ordua pasatuta, beti bezala, praktika eduki dugu. Ordu honetan, blogarekin jarraitu dugu, bideoak gehitzen, etiketak jartzen, gure lagunen blogen helbideak ipintzen,... Denbora guztia ariketa hauek egiten pasatu dugu.

Egunkaria 2008-04-17

Gaur klasearekin hasteko azterketari buruz hitz egin dugu (maitzaren 29an izango da), gauza batzuk argitzeko baitzeuden.

Ondoren, gai berri batekin hasi gara IKTek hezkuntzan duten eragina. Hemen, teknologia berriek irakaste-ikaste prozesuan zehar duten eraginaz hitz egin dugu. Adibidez: irakasleen rola zelan doan aldatzen, komunikazio eredua multidirekzionala bihurtzen dabilela, komunikazioa arinagoa dela,...

Klase terikoaren ostean, beti bezala saio praktikoa eduki dugu eta hemen bloga hau apaintzen jarraitu dugu, argazkiak, erloju, linkak...gehituz.

Bakoitzak bloga bere gustura jarrita , Blogen aplikazio didaktikoari buruzko informazioa interneten bilatu eta sailkatu behar izan dugu. Ondoren, bilatutako informazio iturrien helbideak, linken bidez blogean gehituz.

Blogen aplikazio didaktikoa

Gaur egungo gizartean teknologia berriak gero eta garrantzia handiagoa hartzen dabilz, mundu teknologiko berri bat sortzen ari delarik . Garatzen dabilen mundu berri honetan, blogak komunikazio tresna moduan indarra hartzen dabilz .

Hezkuntzan ere gero eta gehiago erabiltzen dira blogak. Irakasle askok erabiltzen dituzte, blog hauetan irakasgairi buruzko informazio gehiagarria, jokoak, argazkia, foroak... jarri baitaitezke eta honela, ikasleentzat motibagarriak diren aplikazioak direnez, ikasleen partaidetza, irakasgaiarekiko jarrera positiboa, ... bultzatzen dute.

Hezkuntzarako erabiltzen diren weblogak, Edublog deitzen dira. Edublog edo blog bat sortzeko aplikazio edo web orrialde ezberdinak aurkitu daitezke. Hauetako batzuk:blogger, fotolog, blogia, ...

Edublogei buruzko informazio gehigarria, hurrengo linketan klik eginda aurkitu dezakezue:

• Mapa kontzeptuala: web orrilade hau gazteleraz dago eta Edublogei buruzko mapa kontzeptual bat da. Mapa honetan, edublogak zer diren, ze motatakoak dauden, zertarako erabiltzen diren, ... azaltzen da.

• Artikulua: "Usos de los blogs en una pedagogía constructivista". Nire ustez artikulu hau, oso intersgarria da irakasle izango garenontzat. Hemen, blogak eta gaur egun hainbeste aldiz entzuten dugun hezkuntza konstruktibista erlazionatzen ditu eta honetaz aparte edublogen erabileraz ere hitz egiten digu.

• "Taller de herraminetas web 2.0": Web orrialde hau ere gazteleraz dago baina oso interesgarria iruditu zait irakasleentzat web 2.0ri buruz gauza ezberdinak aurkitu baitaizteke. Adibidez, web 2.0 zer den, zertarako balio duen, eskolan zelan erabili daitekeen, edublogak zelan erabili, zelan sortu edublog bat, edublog baten adibidea,...

• Bideoak: Azpian dagoen Youtubeko bideo honetan edublogei buruz hitz egiten digute, euren erabilera hobeto ulertu al izateko.

La Web 2.0: La revolución social de Internet

Klasean denborarik eman ez didalez, etxean ikusi behar izan dut "La Web 2.0: La revolución social de Internet" Youtube-ko bideoa.

Bideo honetan web 2.0 zer den azalduz gain, gaur egungo gizartean duen eragina ere azaltzen digu. Esate baterako, komunikazioan duen eragina, orain ez gara etxetik irten behar egunkaria edota liburu bat irakurri al izateko dena aurkitu daiteke botoi bati sakatuz. Honetaz aparte, teknologia berri hauek publizitatean ere eragina dute. Gaur egun publizitatea egiteko, ez gara zertan empresa handi batean lan egiten egon behar, bakoitzak bere weblogean publizitatea eskegi dezake bertara sarzten den edonork ikusi al iezateko.

Teknologia berriek, komunikazioan laguntzen dutela esan dugu eta honetarako, aplikazio edo zerbitzu ezberdinak erabili daitezke. Adibidez:

- Weblogak: Ezagutzen ditugun Blogak dira.

- Podcast: Irrati formatua (mp3) duten weborriak dira.

- Videocast: Bideoak jartzeko weborrialdeei deitzen zaie. mp4 formatua erabiltzen dutelarik.

Oso interesgarri ierudietu zait bideo honetan azaltzen dena, askotan ez baiekara konturatzen egunero erabiltzen ditugun teknologia hauek benetan duten eraginaz.

Uste dut, teknologia berrien mundu hau oso erabilgarria eta interesgarria dela, niri asko gustatzen zait, baina argi dago gauza guztien moduan gauza onak eta txarrak dituela eta kontuz ibili behar garela gaur egun arte ditugun gauzak galdu baitaitezke.

Egunkaria 2008-04-10

Gaur Teknologia berriak eduki dugu eta beti bezala, klase teorikoa eta praktikoa eduki dugu. Nik lehenengo klase teorikoa eduki dut eta honekin hasteko, web 2.0 zer den( informazioa lotzeko eta elkartzeko sistema bat) ikasi dugu. Ondoren web 1.0 eta bere hobekuntza den web 2.0 zer diren, zeintzuk aplikazio dira,... ikasi dugu.

Ondoren, klase praktikoan, blogak zer diren, zertarako balio duten eta blogak sortzerakoan kontuan eduki behar dena (gaia, izena,...) ikusi dugu.

Irakasleak bloggerren bidez, blog bat sortzeko esan digu eta jarraian lan honekin hasi naiz. Nik baneukan blogger-en blog bat aktibatua eta ezagutzen nuen, beraz ez dut arazorik eduki. Perfila aldatu dut eta egunkari honeki hasi naiz, orain ikusten duzuen blog hau martxan jarriz.

Reportaje sobre el iRex iLiad en La Sexta

Bideo hau ikusterakoan 2 gauza etorri zaizkit burura. Alde batetik honek dakartzan abantailak, adibidez bideoan esaten duen moduan, liburuen pisua ez eramateko edota hainbat liburu eskuragarri edukitzeko, honela informazioa behar duzun momentuan eduki dezakezu eta beharreko datuak arintasunez eta errestasunez lortu.

Aldiz, ez dakartza abantailak bakarrik, desabantailak ere dakartza. Adibidez, liburutegiak eta egunkari, liburu dendak galdu daitezke eta eurekin, liburu edo egunkariak paperean edukitzea duten xarma. Honetaz aparte nire ustez, liburutegi baten gauzak bilatzen jakitea pertsonaren garapenean laguntzen du eta dena jarraian bilatzen digun ordenagailu edo aparailu batek egiten badu, akomodatu egiten gara eta ez dugu burua maneiatzen.

Gaur egun nire ustez, hiztegi elektronikoekin hori gertatzen ari da. Oso erraza da botoi bati jo, nahi dugun hitza idatzi eta jarraian erantzuna agertzea baina zer gertatzen da hiztegian bilatzearekin? Hiztegi elektronikoarekin ez duzu alfabetoa jakin beharrik ere, berak ematen dizu dena eta nire iritziz, hiztegi bat zelan antolatua dagoen, alfabetoa jakitea... beharrezkoa da hitz egiterakoan erreztasuna edukitzeko eta beste mila gauzetarako ere.

Animators vs Animation

Bideoa ikusita nuen eta ikusi nuen lehengo egunean, sinegaitza iruditu zitzaidan programa sinple batekin egin daitekeena eta oso interesgarria iruditu zitzaidan. aldiz, bigarren bider ikusi nuenean, hobeto aztertu nuen irudiek irudikatzen zutena eta oso gogorra zela uste nuen, nahi gabe, azpikontzinteki, burrukara bultzatzen gaituztela pentsatu nuen eta burutik pasatu zitzaidan: zergatik sortzen dira beti guda edo burruka gauzak?.

Ondo aztertu gabe haur bati erakusten diozu bideo hau, niri gertatu zitzaidan moduan, interesgarria iruditzen zaizulako eta gainera panpin sinple batzuk direla uste duzulako eta nahi gabe, burrukara bultzatzen zaude. Honez gain, hau ez delez pornografia ezta haurrentzako debekatutako ezer, oso erraza da euren eskura heltzea. Ondorioz, kontuz eduki behar da interneten aurkitu daitekeenarekin.

Egunkaria 2008-04-03

Gaurko klasea, 2008-04-03, beti bezala teoriarekin hasi dugu. Informazioaren gizarteari buruz hitz egiten jarraitu dugu, bereziki, mitoei buruz. Mito hauek direla eta eztabaidatxo bat sortu da, batzuek, aipatutako mitoak beti ez direla betetzen uste baikenuen. Honetaz hitz egin eman dgu teoria ordua eta ondoren, praktika egiteko ordenagailu gelara jeitsi gara.

Praktika ordu honetan, multimedia programak baloratzeko teoria apur bat irakurri behar izan dugu eta ondoren, taldeka, irakasleak emandako web orrialde batzuetako 3 multimedia programa aztertzeko taulatxo bat sortu eta bete behar izan dugu. Taldean 4 egon gara eta lana banatu dugu azkarrago egin ahal izateko. Ariketa hau egiten klase ordua pasatu zaigu eta etxerako lan moduan, bideo bi ikusteko eta komentatzeko gelditu zaizkigu: "Animator vs Animator" y "Reportaje sobre el iRex iLiad en La Sexta"

Egunkaria 2008-3-13

2008-3-13ko klasearekin hasteko, Informazioaren gizarteari buruz hitz egiten jarraitu dugu, IKTek duten eragin sozialaz bereziki. Honen ostean, "Prometeus" bideoa ikusi dugu eta klasean, bakoitzak bere iritzia eman behar izan dugu, nahiz eta gero moodleko foroan gure iritzia idatzi behar dugun.

Ondoren, beti bezala praktika ordua eduki dugu eta hemen, pasadan asteko klik aplikazioaren barnean dagoen "Peru eta Otsoa" programa aztertu behar izan dugu. Programa hau aztertzeko, irakasleak moodlen utzitako galdera batzuk erantzun behar izan ditugu, adibidez, ze arlo lantzen den, zelako ariketak dauden,...

Hau bukatuta, Mikel Ander eta nire artean multimedia material didaktikoaren abantailak eta desabantailak irakurri eta komentatu ditugu. Hausnarketa txiki bat egin ostean, konturatu gara abantaila ugari dituela, hauen artean guretzako garrantzitsuenetakoak, motibagarritasuna eta gehiago ikasten dutela denbora gutxiagoan dira, ikus-entzuteko programek haurren atentzioa deitzen baitute, honen ondorioz, interesa eta gogoa jartzen diote ariketei.

Abantailez gain, desabantailak ere ekarri ditzakete multimedia programek. Desabantaila garrantzitsuenak aipatuko ditugu, alde batetik multimedia lanak banaka egiten badira, ikasleak bakoitza bere ordenagailuan dago inorekin berbarik egin gabe eta ez dira sozializatzen, beraz, indibidualizazioa dakar. Guretzako, kontuan hartu beharreko beste desabantaila bat ikasleen alegin minimoa da, hau da, ordenagailuak automatikoki ariketa bat txarto dagoenean aurrera jarraitzen usten ez duenez, ikasleak ez du pentsatzen zer dagoen gaizki eta zergatik. Orduan " a boleo" egiten ditu ariketan, burua nekatu gabe.

Prometeus, The Media Revolution

Bideo hau ikusi ondoren, mundua ze azkar doan gogorazi dit. Urte gutxitan teknologia berriak zelan aldatu diren, zelako aurrera pausua egon den ikusi daiteke eta oraindik aldatu behar dena ere ikusi arazi dit bideoak. Nire ustez, oso ona da hain aurreratuak egotea arlo honetan, baina beste arlo batzuetan oraindik oso atzeratuta gabiltzala uste dut; ez da hobeto lasaiago joatea IKTen arloan eta garapen honetarako erabiltzen den dirua beste gauza batzuetan erabiltzea?.

Nire ustez, eskolak asko egin dezake garapen honen aurrean. IKTen mundua oso zabala da eta gauza asko aurkitu ditzakegu honen barnean. Beraz eskolak, bizi garen gizarte honetarako hezi behar ditu ikasleak, mundu honen barnean mugitzen irakatsi behar ditu, hau da, IKTekin zer egin dezaketen, zer aurkitu dezaketen,... Ondorioz, gu irakaslea izango garenok, gizarte honen barnean bizitzen irakatsi behar diegu ikasleei. Nire ustez, ikastetxeetan teknologia berriak erabili behar ditugu, honela ikasleak mundu honetan barneratzen eta hezitzen joango gara.

Egunkaria 2008-3-7

2008-3-7ko klasearekin hasteko, beti bezala teoria apur bat eduki genuen. Hemen, Informazioaren gizarteari buruz hitz egin genuen (zer den, ezaugarriak, ondorioak,...). Honez gain zientzia, teknologiak eta gizartearen arteko erlazioaz ere hitz egin genuen. Azkenik IKTek gaur egungo gizartean duten eragina komentatu genuen eta honekin batera, "Prometeus" izeneko bideoa ikusi behar genuen, nahiz eta arazo tekniko batzuengandik ezin izan genuen.

Teoria ordu honen ostean, praktika ordua eduki genuen. Hemen, multimediari buruzko sarrera teoriko baten ondoren, klik progama zer den, zertarak balio duen,... ikusi genuen. Programa honetan barneratzeko asmoz, irakasleak planteatutako galdera batzuk bete genituen, honela gelditzen zen denbora pasatuz.

Aurretiko konpzeptuak

Klasean, IKTen ezaugarririk eraginkor eta defingarriena digitalizazioa dela esan dugu, dena digitalizatzeko joera baitago baina nire ustez, honez gain berehalakotasunak ere garrantzi handia du. Gaur egungo gizarteak dena azkar egiteko joera daukagu, dena beharala egitea nahi dugu eta Teknologia Berriei esker azkartasuna lortzen da.

Teknologia berriek zabalkuntza handia eduki dute gaurko gizartearentzat lagungarriak baitira. Honez gain, gizakiak zerbaitera ohitzen garenean lotu egiten gara, ezin gara hori gabe bizi eta gizarte kontsumista honetan, beti nahi dugu gauzarik hoberena eta berriena, beraz nire ustez, guzti honek IKTen zabalkuntzan garrantzia eduki du.

http://www.hiru.com/teknologia_berriak/teknologia_01250.html. Web orrialde hau interesgarria iruditzen zait artikulu hau klasean hitz egin genuena ikusteko, hau da, IKTei esker sortzen ari den hizkuntza berria zein den iksuteko.

Egunkaria 2008-2-28

Beste eguneko klasean, 2008-2-28, Teknologia berrien irakasgaiko lehengo klasea eduki genuean, teoria apur bat eta praktika egiten hasi ginen.

Lehenengo orduan teoria eduki genuen. Hemen, Teknologia berriei eta IKTei buruz hitz egin genuen,zer diren IKTak, guretzat ze garrantzi duen... Azkenik, denen artean kontzeptu hau (IKT) definitu genuen.

Teoria ordua bukatuta praktika gelara joan ginen. Praktika ordu honen hasieran, beharrezko kontzeptu batzuk azaldu zituen irakasleak. Adibidez, softwarea eta hardwarea zer diren; Hardwarearen barnean, input eta outputak ezberdindu zituen eta softwarearen barnean, ze sistema operatibo diren ezagunenak, ...

Azkenik, praktikarekin hasi ginen. Hemen, moodle plataforma erabiltzen ikasi genuen eta baita, bakoitzaren unibertsitateko e-postara nola sartu daitekeen